Daniel 。還原基本步 (29.01.2013)

最新一輯政府廣告叫人「停一停.. 諗一諗」我個人真係覺得麻麻.. 你搵隻咁可愛o既Poodle BB 去叫人養之前諗一諗 ?? 我見到 .. 唔屎諗, 更加想買啦 !!

遺棄日日都有發生, 亦唔係隻隻狗都有人領養..

上星期我同事o既朋友..就有個咁o既case .. E 先生一心買隻狗回來送比老婆,  可惜玩唔夠幾個月.. 就唔鍾意喇.. 然後轉贈比朋友o既 X哥哥, X先生 .. 一養就養左5個年頭, 可惜 X先生所以o既地方比人投訴, 最終換呢狗狗要被遺棄, 並作出最後通碟, 冇人要 .. 就送去愛協, 好決絕!!!

咁就同事問我幫唔幫到手.. 見到 Daniel 張相,  第一印象 .. 咁可愛都捨得唔要?? 好彩有朋友可以暫代領養, 所以先安排救出 Daniel 先~

上星期六晚經朋友接回家後, Daniel 好開朗, 成晚都笑 ..  仲好活躍的, 但唔明呢5年幾o既時間裡, 點解可以唔出街?? 因為佢個 size 有 KaKa o既上下, 淨係o係屋企活動, 唔可能可以消耗佢o既精力, 睇怕 .. 未跑夠十個號 .. 都暈左啦!! >__<  再了解後 .. 因為一次o既外出患上皮膚病, 同埋因為 Daniel 係白色毛, 怕出完街 dirty .. 乜呢d 都係理由o既咩 ?? 真係聽到都好心痛, 一個咁可愛活躍o既毛小孩, 就係過住d 咁o既生活, 如果我比人困5年冇街出, 我一定會癲左囉!!  除左會出街o既可能.. 就衹係去 Vet 打預防針而巳..

經過一夜後 .. Daniel 唔習慣新環境 .. 新生活, 前一晚唔飲水唔食飯, 要朋友o係度 .. 至飲下水水, 第二日早上一樣 .. 唔食飯, 同埋因為新環境關係周圍尿尿, 仲不斷哀嗚~~~

當晚 E先生再了解過情況, 再通知 X先生, 最終 X先生還是唔忍心留下 Daniel, 而飛的士去接回 Daniel , 呢一刻我係(登) Daniel 開心的, 主人最終都係唔捨得佢, 但往後 Daniel o既日子 .. 會係點呢?? 依然再繼續過從前o既生活嗎??  我都巳經唔敢再想 ..  但願Daniel 回 X先生度係件好事啦~

亦要感激朋友o既幫助暫照顧左 Daniel 24hrs, 呢24hrs o既煎熬真係辛苦晒呀^3~




每每見到呢d 事.. 我都會反省一下自己 ? 我有幾愛 PE2?? 我有幾付出對 PE2 ?? 佢地唔係日日可以出去行街街, 我亦冇整咩 HM 比佢地食, 主要都係食狗糧, 但起碼 .. 我巳盡我o既能力去照顧 PE2, 慶幸 PE2 係簡單易滿足o既毛小孩, 衹願o係佢地仍活著o既時間裡, 都衹有開開心心咁過佢地o既每一日就足夠了~