突然似樣左?? (22.01.2013)

約瑟同一般o既狗品種有d 唔同.. 唔同在於咩??
一般狗由出世至長大 .. 至年老, 

毛色 .. 都唔會有好大o既分別~

但約瑟就好唔同, 會隨著年紀 .. 及 歲月.. , 

都會有變化的, 而變化 .. 可以好大分別!!

剛同樣都係約四個月大o既珮珮 & Ellie, 

睇落都係差唔多啫!! 都係黑麻麻 .. , 但了解約瑟o既人, 

細心睇下, 佢地個樣係一d都唔似的~

再到大個d o既時候, 珮珮d毛色巳轉頭手腳係金色, 

而身就灰色的, 但Ellie 仍然係身黑色, 

衹有面同手腳有少少淺色左..

再 .. 經歲月o既過去, 大家都剪左d毛, 易於方便打整~
咦~~ Ellie o既面仔同手腳都轉左金色, 

而身亦慢慢轉變成灰色了 .. 但個樣 .. 依家都仲係唔多似, 珮珮耳仔係豎起的, Ellie就有時豎起, 

有時唔豎 ..珮珮眼仔比較大同圓, 仲要有好深o既眼線, 

加埋長長o既捷毛, 呢d Ellie 就一d 都遺傳唔到 XD 

唔~ 其實 .. 佢地有d野都似的, 

咪就係古古惑惑.. 得得戚戚o既樣就好似喇~
仲有d胃食 .. 偷野本領, 就學到足!!

。
。
。
突然o既今晚 .. 點解珮珮同 Ellie 個樣真係似左貢多o既 ?? 連爸爸都有好幾時叫錯左佢地@@