Annual Dinner @ 2013 (02.02.2013)

經上年o係深圳食 Annual Dinner o既大成功,
所以預左今年都一樣係返大陸食, 而今次食o既地方, 

係福田 ...公司安排左3點在九龍塘旅遊巴接我地過關,
所以今日收工後, 同 Winnie  join 埋 Cat,
去又一城o既 Queen's Cafe 食 lunch..

呢度d .. 服務又麻麻!! 食物仲好差 !! 
個天使麵乾過食乾燒伊麵, 真係唔會有下次了!!!!

 大家都準時3點上車, 經皇崗到福田, 都差唔多5點~ 

國內原來興開始前.. 食蕉 同 桔 的

香港同事 加 深圳同事 .. 加埋擺59圍,
仲要有d 同事冇呢, 乜我有貢多同事o既咩 XD

現場每圍枱衹係提供汽水, 有人要飲酒, 唯有自費!!

未齊人 .. 又未食得住 .. 影下相先啦~

差唔多6點至開始, 當然要大老細講下野,
再頒十年 同 廿年服務 " 小金龍 " 比員工,
然後就由一班好落呢好飾心打扮o既深圳同事,
為我地表演, 當中表現之間, 又抽下d小獎, 

今年冇上年貢豪喇 ...  

分別抽左d 韓國代理年年都送o既毛毯五十份,
再加 RMB100 ... RMB200 ... 等 .. 各五十名後,
最開心令全場熱血肺騰就係最 hit o既表演 " 江南 Style ",
有拍片 ka .. 不過唔係o係我電話度拍 XDD

餓到成7:30 至有得食 .. 唔怪之得, 之前有蕉 同 桔啦!!
呢隻豬都搞笑, 條尾尾插左條椒ka  XDDD

d 餸都比想像中 .. OK, 由其o既湯 ... 真係放左成隻雞,
加埋幾隻大螺, 好鮮甜

成晚 .. d 餸 加埋甜品同生果, 有成十三碟餸 @@!!

剛食到尾尾, 就抽d 大獎喇~~~~
分別三等 .. 二等 .. 一等 ... & 特等獎

一向都對抽獎 .. 加人工方面都唔抱有期望o既我,
食食下野 .. 見平幕出現自己名,
仲要我都唔係睇得好清楚之下,
原來我竟然比上年好運,
上次真係冇運行 .. 全層4/F 得我同 Winnie 乜都抽唔到,
但今年我地雙雙分別 Winnie 抽到三等獎 RMB1000 & 

我抽到第等獎 RMB2000,
真係好驚訝 同 開心囉!! ^_^=

雖然上年果d .. 萬幾蚊o既現金大獎冇晒, 變晒d小現金 ..
但相對地就多左人抽到, 計落差唔多600人有一半人收到現金,
都係開心事呢o既~
到抽晒獎後 .. 我地又要坐返旅遊巴回香港lu ..
臨走時 .. 睇下成張枱食淨咁多餸@@!!
仲要係張張枱都係食淨咁多?? 真係好折朵呀!! >__< 
點解要咁多餸 ka ?? 唉~ 好多人食唔飽.. 著唔暖的,
呢d大陸文化 .. 真係唔得囉!!

後記 .. 到上旅遊巴返香港時, 竟然有同事唔聽書,
講左 .. 過左大陸海關, 如果唔再跟車, 可以自行轉其他車走,
但落車時同司機講聲, 唔好搞到要全車人等 .. 
點知 ..  就真係有人走左唔出聲, 

搞到我地架車 .. 等左成十幾分鐘!!
又落車搵人 .. 又去怕佢上錯其他車,
最後 .. 唔想再阻全車人, 最終我地照走 .. 返左香港先~

。
。

最後條友 .. 真係自己走左, 唔跟車 .. !! 

頂 !!!!! 唔跟車 .. 出聲嘛 >_<