懶有PlanninG (11.06.2012)

早前放假執房 .. 突然執到2009年o既記事簿 ..
睇返 .. 當年發生左好多事, 有開心唔開心 ..

但呢件事足巳cover 晒d唔開心o既事

由開始養 Pee 之後, 就好想Pee 有老婆,  當年曾經有個女朋友仔的,
但好可惜大家性格唔啱, 亦嘗試過一次配種, 但唔成事 ..
o係呢個時候 .. 一個緣份之下, 令我養左珮珮,
順理成章珮珮就係 Pee o既老婆喇~
當時 .. Pee 仲係左擁右抱ka,
有老婆有女朋友仔, 真係享晒齊狗之福

。
。
。

 Pee & 珮珮 經過2年o既相處, 亦想珮珮完全有健康o既身體,
所以 plan 好左2歲後 .. 第4次起水而安排配種~
當然好多謝朋友o既提點 及 教導,
至可以好順便咁記錄好時間, 希望一擊即中!! 

o係配種後 .. 就係最緊張 又 擔心o既時候 ..
狗狗比人類懷孕快好多, 衹需要60天就可以生產完成,
所以果段時間成日都留意珮珮個肚仔,
唔知係肚腩 定係 開始懷孕 ...
科技發達 .. 狗狗都可以去用血作驗孕,
當知道時 .. 果刻真係好開心, 再等差唔多時間再去照x'ray,
終於知道珮珮肚入面有3個小寶寶,
亦開始倒數預產期, 準備請假迎接小生命~

珮珮真係一個好叻好叻o既女~
其實由預左比珮珮生, 我巳經打算開刀生BB,
因為佢太細身, 怕自己生 .. 會好辛苦,
當時 .. 我搵o左幾家比較好o既珍所,
取定資料 .. 及 因為預唔到生o既時間, 需要作動前去診所,
珍所o既收工時間又唔同,

我就搵定幾家 .. o係唔同時間都可以飛的士去開刀~

點知 .. 珮珮o係預產期前提早左生, 

仲係我剛剛放期o既第一日就作動,
產房巳經準備好 .. 但偏偏珮珮o係我房 .. 生,
靜雞雞生左第一個小寶寶出呢,
我發現時 .. 珮珮巳經食左胎盤,
巳經lam 得 BB 乾乾淨淨,

所以之後o既都o係我在身旁一個一個生下來...

外表好男仔頭o既珮珮, 突然母性大發 .. 好叻咁自己照顧BB~
真係 .. 完完全全仍然記o係我腦海之中,

真係好似昨天發生o既事一樣...