我的寶貝" 名字 " 由來... (23.06.2011)

不論係為孩子 定係 寵名 .. 改名, 大家都會左諗右諗,

如果係男仔應該叫咩好呢?  而如果係女仔又應該叫咩好呢? 

做父母 / 主人 o既都會有自己o既原因,

可能要好聽 .. 可能要特別 .. 又可能要容易記,

重之就一定有意思o既名啦~

 Pee 並唔係我改的 !! 本身 Pee 衹有中文名,

仲要連中文名都唔係我改,

係送比我o既 Uncle (爸爸o既 Boss)改的 ,

買回來o既當日 ... 見到黑麻麻跳跳紮o既頑皮仔o既樣子,

所以Uncle 就決定改名做 " 皮皮 " 即係 " 頑皮 " o既意思~

因 Uncle 是台灣人, 所以讀音當然係以普通話呢讀啦 ~

呢個名 .. 真係改壞囉 >.<"

呢個小朋友真係好曳 .. 完完全全同佢同名好夾 =.="

之後 ... 帶 " 皮皮 " 去玩, 有個外國回來香港做野o既朋友,

因為淨係聽個音, 就以為 " 皮皮 " = " Pee Pee " XD

所以 ... 就用左呢英文名, 但 ... 又係改壞名 .... ,

呢條友 ... 由細到大, 就好鐘意霸地盤,

不過近呢一兩年巳經衹會o係街霸, 冇再 .. o係屋企霸,

仲乖左唔少, 真係老懷安慰 ^^ 

而 珮珮個名 .. 本來初頭諗, 唔可以太難讀,

怕爸媽唔識叫佢個名, 初初 .. 有諗過,

叫 " 斯斯 "  ... 而英文就係 " See See " , 夠獨一無二啦 ^^"

點知比一個朋友串我, 你家巳經有個叫 " Pee Pee " ,

再呢多個叫 " See See " , 咁你成屋都係屎屎尿尿ka la wor @@"  咁都比佢諗到 ... 當然唔想成屋都係屎尿啦 >.<"

最終 .. 朋友提議, 不如叫 " 珮珮 " 即係好昂貴o既玉,

又幾有意思, 加上英文名叫 " Pui Pui " ,

就可以同 " Pee " 都係 " P " 字頭喇 ^^ 

" Pee & Pui " 夾埋就於 P2 ^^

到之後有 E2時 ....

基本 .... 以羅輯 E2 應該都係以 " P "字頭, 但我又偏偏唔想 ^^

當時 .. o係臨出世前, 有朋友借左本專係用呢改名o既書我睇,

睇左好耐 ..... 改咩名好呢?? 最終 ..... 選左以 " E " 字頭o既名~

而且 .. 果時淨係打算留女而巳,

所以搵呢搵去 .. 都係睇女仔o既名  hehe ^^

而 .. " Elmo " o既名, 衹係決定左女仔名, 而另外選定做後備 ^^"

所以最無特別o既, 就係 " Elmo " 呢個名 ~

最後 ... 又用我最多時間心思去諗o既, 就係 " Ellie " o既名,

成日見d人 .. 叫親d女o既名, 都好溫柔咁，

所以搵 " Ellie " 個名, 都係想可以音聲細氣叫,

咁咪好正囉 XD

典知 .. 呢個正一男仔頭到爆 >.<"

又曳 .... 搞到我成日都係兇叫 " Ellie " >.<" 

花媽/麻婆