搬搬搬 (20.06.2011)

我係一個好難適應新環境o既人, 如果唔係有行家叫我呢做, 都未必 .. 會轉工, 如同以往一樣, 一做 .. 就一定唔會一兩年就唔做~ 但唔知點解, 我份份工 .. 都要成日搬公司 or 搬位 ? 係我問題 .. 定係真係公司問題呢 ?

由 .. 最初接觸呢行開始, 我係由運輸行業開始做, 一個十幾歲o既o靚妹去見工, 衹係問我 .. 住邊 ? 幾時可以返工 ? 同埋 .. 平時有咩嗜好, 咁就請左我喇 ~

做左半年左右, 就搬左2次地方 

因公司營運方針問題, 運輸公司老板要我轉去做船務o既野, 亦係真正開始正式入呢行~ 由白紙開始學, 日日比經理鬧, 真係等閒事 !!   不過亦係令我學野最快o既階段   真係反而要好多謝呢個好經理Roger  

做做下又因為營運方針又有變, 總公司開發新航線, 所以我要轉去果邊, 又再一次要搬喇 ....

做左 ... 2年幾當中 ... 又由呢條街搬去另一條街o既大廈 ,公司越做越大, 地方越來越唔多洗 ... 又係搬搬搬 ...

最終 ... 又因為有人 .. 叫我, 為前途 .. 著想, 離開左最開心 .. 最唔捨得o既公司, 從未試過真係唔捨得d同事而喊

由船務轉左 .. 去做物流, 初初o係深圳返工, 之後返 .. 返香港後, 又搬左2次 ... 重要最後 .. 老板要我去搵辦公室 及 倉庫, 第一次Set Up一間公司 當時 .. 仲係一個細路女 .. 24-25歲就有一個咁大o既挑戰

最後 .. 因為對呢間公司o既運作好灰 .. 越早越灰, 好多同事都做到頂唔順要走 .. 好彩又遇上行家叫我走, 又呢新一次正式轉做航空業o既野 ~ 本來 .. 諗住轉左呢 .. 呢度做, 就唔伯再有搬o昸問題啦 ? 話晒 .. 棟大廈係自己o既~

點知 ... 初初o係3/F 返工, 至上年因為成本問題, 由3/F 搬左去1/F, 又 .. 人事變動, o係1/F 又要轉位 .... 點知 .. 早幾個星期, 又突然通知 ... 遲d又要搬上4/F  

雖然都係上上下下o既層數, 但 ... 搬起野上呢 ... 都好煩 ... ka ma~ 希望係最後一次搬啦  

06月16日巳經係我o係呢間公司做野第5個年頭, 可唔可以 .. 唔好再搬喇~ 好辛苦 ka