端午節 .. 要吃糭 (11.06.2013)

上星期六要返工,
媽媽叫我陪佢去 CWB 入貨,
佢要買雞脾肉做糭o既材料,

所以就去左 Karen 介紹o既 " 廣利 "

去得 .. 唔會淨係買雞脾肉,
之前去買野 .. 老板呢款蟹柳又平又好靚,
我地試左唔錯.. 我仲介紹左比我d 同事食,
呢次 .. 係媽媽代佢d 同事買

另外仲買左好似我手掌貢大 size o既蟹肉, 都係$20 有找 ..
大過我2個掌頭加埋o既 size 螺頭, 都係 $4x,
大過我塊面o既螺頭都係賣 $6x .. 真係好抵囉~

既然要包糭 .. 所以另外買左牛扒做餡,
包比 PE2 食, 應下節~

買買埋埋 2大袋野,
真係大豐收 .. 冇我陪媽媽拎 ..
一個人 .. 一定拎屎人 .. @@!!

我地買完即閃 .. 回青衣城食 lunch ..
之前行過 .. 青衣城開左食米線o既餐廳,
一於入去試下啦~

對我like 食米線o既人 ..
一般啦 .. 又唔係唔好食o既,
不過比較下 .. 我like 去荃灣食 " 唯一 " 多d 囉 ^_^! 

到星期日 .. 9點起身 ..
就幫媽媽包糭前作準備 ..
將雞肉 .. 蝦米 .. 乾瑤柱 .. 蒜 & 蔥 .. 整碎 及 切粒
足足花左我2個幾小時 ..
我o既任務巳完成 ..
之後要去游水 .. 後期野交返比大廚 XD

今日帶左4個返公司,
自己食2個 .. 2個請同事食 ^^