游水要小心 (02.06.2013)

炎熱o既夏天巳經來臨, 咁好天氣當然要去游下水 ..
迎接呢個夏天啦~

今日同左 .. Catherine & Jovy 一齊帶毛小孩去游水水
3個毛小孩都好開心 ..

。
。
。

o係大家都玩得好開心o既同時 ..沙灘上 .. 今日唔太多狗狗,
當我正準備落水時, 行過一個主人同2隻狗狗旁,
初初衹係見到個主人似在想分開2狗狗,
因為2隻狗狗不段爭扎,  我誤以為2隻狗狗在打交,
而主人在分開佢地 ..
所以睇左 .. 數秒 .. 我冇理再向前行 ..
但又覺得有d唔對路 ..

再停下 .. 再回望 .. 都係覺得怪怪地,
因為當時o既情況 .. 個主人冇大嗌叫人幫手,
所以初初都以為係少事 .. 我冇理再向前行 .. 準備落水,
但 ..  行左2步 .. 都係覺得好怪,
話我8卦都好 .. 都係上前睇下咩事 ??

點知個主人話佢2隻狗比魚絲同魚鈎 kick 住左 @@!!!!
咁我初初都唔知係邊個有事, 衹係想幫手抱起一隻,
但細心再睇 .. 係分唔開的!!
因為原來一隻比魚鈎鈎到尾巴 ... 再拖住一堆魚絲,
而魚絲再拖住o既另一面,
就魚鈎鈎住左另一隻狗o既右後腳內則,
所以2隻狗狗分唔開 .. 佢地又痛又爭扎下 ..
互拉扯 ... 所以個主人完全處理唔到,

咁我唯由 .. 嘗試睇下整唔整到個魚鈎出呢..
但實在 kick  得好實, 完全 .. 係我地都處理唔到,
當時我都唔理自己o既相機,  是旦比左係唔識o既人 ..
但當刻需要其他人幫手..
Catherine 同 Jovy 巳在上岸中,
但其他比較遲鈍左d ... =.=!!

Catherine 呢度再大嗌要剪開魚絲o既工具,
好彩當刻有人有膠剪,
其他人亦慢慢施而媛手 ... 慢慢將2隻狗狗分開 ....

但因為鈎到好實, 衹可以去 vet 度處理,
初初個主人仲想自己一個人帶2隻受傷狗狗去,
Catherine 即 .. 話陪佢去,
但我想想 .. Dr 唔見左 Catherine 會喊,
既然我地都玩左個幾鐘,
佢一個人上船落船唔方便, 又用易整親狗狗,
所以最終我地3個陪佢去 vet ...

vet 了解後即話需要麻醉開刀拎返魚鈎出呢 ..
最後 .. 仔仔 (鈎到尾巴) 有一個魚鈎
而 Dick ( 右後腳內則) 有兩個魚鈎

完成手術後 ... 睇見都心痛 ... >_<

我地亦叫個主人回家沖洗自己 及 帶有需要o既野呢,
我地就o係vet 幫手睇住, 所以 ellie .. Dr & 芬達,
3個毛小孩要o係 vet 食 lunch .. 等等下 .. 仲瞓著左 ..

2個受傷o既仔仔 & Dick 麻醉藥醒返喇 ..
2個都算叻仔了 ..
受左傷都總算乖, 我地外人抱住佢地都冇咩爭扎

最後 .. 主人呢接返仔仔 & Dick, 

我地亦安心 .. 去食返個 lunch ..了 ..
點知竟然o係餐廳撞刑奶茶喎 XDDD

之後個主人亦 send 左d相比我地睇,
仔仔 & Dick 巳回家 .. 好乖咁瞓了~

經過今次 .. 又再一次提醒左自己,
去邊都要考慮環境, 唔係唔想帶佢地出晒去,
都要顧下 .. 自己照唔照顧到2隻以上,
萬一有意外 .. 又冇朋友o係身邊, 自己要點處理 ??

亦再一次証明 .. 一定要冷靜!!

呢一日 .. 做左件有意義o既事,
亦希望更加多d人 .. 將心比己, 

如果整親o既係自己o既毛小孩會點呢 ??
呢一刻我幫到人, 下一刻可能係人地幫我!!

祝仔仔 & Dick 早日康復!!