迷月﹒原﹒虛凝之間 (23.10.2008)

好一段時間都冇去睇舞蹈o既表演, 前一陣子睇雜誌時, 發現 " 新視野藝術節 2008 開幕節目 " 有呢個團體呢香港表演, 即上網睇下仲有冇飛買, 好彩仲有少少位, 當然2話不說, 即去買飛啦~

第一節 : 迷月

當中特別欣賞  " Shirley Esseboom & Stefsn Zeromski " o既表演,  佢地好活生生表達內心o既困惑﹑逃避﹑背叛﹑喜悅﹑怨恨﹑領悟等等 .. o既情感, 真係令我完完全全被帶動入去。

第二節 : 原

呢幕 .. 比較特別, 特別在於 .. 我買飛時, 自己都冇留意到, 原來呢部份係有祼露ka, 但舞者當然非常之專業啦~

呢部份我比較留意o既反而係一位日籍 o既舞者 " 小丸健太 " , 除左係華人之外, 當然係深深感受到舞者所表達同自然環境o既搏鬥。

第三節 : 虛凝之間

最後一節 .. 由大鋼琴現場伴奏, 加上 " Aurelie Cayla " o既舞姿, 強烈和諧 同 純美o既痛苦追尋, 再受到打擊 ..  真係令所有觀眾都帶入最高潮o既狀態。

欣賞完 .. 真係好明白 .. 點解會有咁多人呢睇, 入座率都有9成, 仲要有不同國籍o既人 .. 睇, 真係希望好快又有一個令我好有衝動再去睇o既舞蹈啦。