今朝早 ..媽媽起身冇耐, 就急急腳帶我地出街, 但出街點解唔駛梳毛抄靚靚o既?? 原來 .. 媽媽係帶左我地去vet度, 原來我地今日係呢打一年一次o既針。我地入去見E生, 媽媽先抱起左珮珮比E生check, E生幫珮珮全身檢查, 一齊都正常, 好健康~ 媽媽叫E生再check多次 .. 金錢癣, 媽媽比金錢癣嚇怕左, 好怕天氣唔好又有問題, 好彩E生話完全冇問題, 然後哥哥就抱左珮珮入房, 等候一陣除左打針之外, 就係 ..洗牙 + mock牙 + 照 x-ray 。
我地入左房之後, 媽媽就先返左屋企, 繼續做執屋o既野, 而我地就o係vet 度。
媽媽一路走 .. 就一路擔心我地o既狀況, 怕麻醉藥我地一睡不起.... 回到家 .. 又唔可以比婆婆知道, 媽媽扮作冷靜, 直到 .. 4:30左右, 姑娘打比媽媽, 通知媽媽5:30左右可以接返我地回家, 媽媽果一刻終於都鬆一氣喇。
5:30媽媽準時到達, 因為有太多小狗狗要睇E生, 所以媽媽要6:15至睇到我地~ 但未睇之前, E生先同媽媽詳細講返我地照左x-ray o既情。
先睇珮珮 : 盤骨位 及 大腿骨直正常, 菠蘿蓋先天比較鬆, 而小腿輕微向外移位, 但暫時無需要要手術。
而我 就同 珮珮差唔多 .. 係小腿位置反而比珮珮好少少, 呢個問題, 亦係媽媽擔心左幾年o既事, 依家終於知道, 媽媽都放下心頭大石。 媽媽依家就要好好睇住珮珮, 呢個8婆珮, 成日鍾意跳上跳落, 好易整到。
另外 .. 媽媽仲順便問埋如果下年珮珮生BB 有冇問題, E生話就咁x-ray 就冇咩大問題 ^^ P2 BB .. come on~~~~~
最後 .. 姑娘接我地比媽媽, 媽媽第一眼見到我地 .. 見到我地個可憐樣 .. 眼濕濕呀 .. 仲要姑娘同媽媽講, 話我醒左一陣 .. 就嗚~~ 嗚~~嗚~~~ 叫得好可憐。
我地回到家 .. 因為屋企仲係好亂, 媽媽將我地抱左上床上面休息, 但我1, 唔見媽媽, 我同珮珮又喊住要搵媽媽, 我 .. 搞到媽媽連食晚飯都食唔到, 因為我要媽媽抱住至肯瞓~
珮珮 : 打針 + 洗牙 + mock牙 (5隻) + x-ray
Pee : 打針 + 洗牙 + x-ray
加埋HKD46XX
媽媽話佢呢個月要慳d唔可以洗錢 =.=""
沒有留言:
張貼留言