別有遺憾 (20.05.2013)

早前媽媽返左大陸, o係一晚同老豆傾計中 ..
講開 .. 佢煮餸時可唔可以唔好咁咸??
因為平時都係由老豆煮餸比我地食,
佢早收工 .. 唔想媽媽收工回來仲要煮飯,
但 .. 老豆o既好意係好好 ..
但樣樣餸都咸, 就好唔健康!!
佢仲要係 feel 唔到,
次次我地食時 .. 都要用熱水沖淡,
滾湯就要加熱水...

所以o係無意中 .. 傾計下,
至發覺老豆味覺原來巳經退化,
而唔係佢口味濃 ..

因為知道原因後, 亦同媽媽講返,
唔好等媽媽成日話老豆煮餸咸,
呢d小事 .. 都係成為嗌交一部份,
成日做和事佬 ... 都唔掂,
當知道原因後 .. 媽媽亦明白 .. 亦體諒,
我亦提點老豆 .. 既然試味, 都唔會知 .. 咸唔咸,
咁第時 .. 將落o既份量減少, 對佢身體都好d,

o係呢d小事上 .. 又令我更加要多加留意老豆同媽媽,
更加要多同佢地傾計 ..  更加珍惜同佢地相處o既日子,
唔好有遺憾~~~