多事的四月 (26.04.2013)

四月份.. 真係多事之月...
唔好睇 Elmo 個樣, 好似冇咩野..
其實由上年年尾開始, 巳發現Elmo 霸地盤O既情況嚴重左.. 

每一日基本上衹有一篤尿尿係去得準之外,
其他時間 .. 都係霸,有想過係之前用O既片片唔吸水,
另片片上多尿.. 所以唔去, 亦嘗試一日換2塊,
情況依然冇改善 !!

巳經冇打冇鬧,
當比我見到佢霸後 .. 佢又知自己衰左,
仲好可憐貢望住我...

亦用蘋果醋去滅味, 但效果 .. 好似冇咩作用,
依然日日周圍霸, 呢個問題巳影響家人, 真係令我唔知可以點 !!

Elmo,  你有咩不滿 ?? 有咩唔開心 ??  話比我知啦 ... 好嘛 >_<

珮珮O係四月頭.. 其中一晚上床瞓覺時,
比行雷嚇到撞左埋櫃度,
搞到之前.. 好得7788 O既面仔.. 又撞損返 ..
嚇到我即時起身.. 開燈, 巳發現傷口再出血,
唉~ 心痛屎我喇......  又要做爛面妹,
好彩.. O係呢個幾星期O既日日用" 神仙水 ",
依家 .. 又好返多了.. 唔屎再日日帶花花罩~

一個一個呢 .. 麻煩野.. 又輪到 Ellie 肚痾幾日,
痾到成地都係軟便, 仲要個傻妹自己踩返,
搞到成個廳都係屎腳印, 加埋清潔 Elmo  霸O既尿尿,
我簡直想屎囉 !!

四月份.. 天氣巳經唔多好, 佢地又少出街,
點知.. 上星期日同PE2 沖涼時, 發現Pee 頭頂有牛B @@!!
想點呀 !!

雖然一個人要照顧四個, 真係唔用易,
但我仍然會努力去照顧你地 ka >_<