回顧 2012 (22.12.2012)

仲有一個星期多d .. 又將過去2012年 ..
點解d 時間過得咁快 .. 好似呢一年冇做過d 乜 !!

 

總是好回味回顧過去,不論所發生o既人與事, 

o係搵過去一年內o既blog, 發現 .. 要記底o既大事唔多, 

好多都係一d 鎖碎小事,  點點.. 滴滴... o既回憶, 

令我回想起 ..

前年難得撞返中學同學Maggie, 並o係今年年頭一月結婚, 

所以邀請我參加佢o既婚宴, 席上仲撞返其他同學, 

大家都樣貌依舊, 但大家o既生活巳不同, 

亦各自踏上人生的另一階段, 

我 ... 還是原地踏步呢~  ^_^!! 

一月中 .. 對我o係呢間公司工作左 .. 5年多日子裡,  

最開心o既其中一日, 因為好難得有 Bonus, 仲要有人工加!! 

真係好意外囉~ 因為我地子公司一向都係以提供服務比Agent, 賺錢當然由母公司去賺啦~ 所以我從來都冇去想過會有, 

但突如其來有 .. 真係開心到爆!!! 

亦同爸媽 .. PE2  一齊分享左我o既開心~ 

年初二當日 .. 一早起身, 當日又落雨, 仲好凍 ....
但既然都plan 左同朋友仔去挑戰 " 八仙嶺 ",  幾凍都照去~ 

因為第一次行 .. 路程都唔短, 雖然好想帶 PE2 一齊挑戰, 

但為安全計 .. 都係自己去行算了~ 當日天氣又濕又大霧 .. 

我地花左6.5小時完成~  

唔知有冇機會真係帶 PE2 同我再行一次呢 ^_^!

D80 同我渡過了5個年頭, 今年4月終於都要退役 ...
雖然係有唔捨得 .. 但舊o既唔去, 新o既唔呢 ka ma XDD   

剛剛市面推出D800, 但我唔係追新款新型號o既人, 

所以早2年前巳經睇中左D700ka la , 最終 .. 都係買D700, 

對我呢講 .. D700 巳經好夠我用, 最緊要都係學好技術, 

好好發揮D700 o既功能~

" 大帽山 " 一直以呢都係我好想去o既地方之一, " 大帽山 " 係香港最高最大霧o既地方, 自己住o係荃灣巳經咁多年, 

但從未踏過一步!! 呢日 .. 就帶左珮珮去, 

係我同珮珮第一次去o既地方, 當日剛上到去天色唔錯, 

但突然比霧包圍我地, 仲要超大風, 

唔好話珮珮 .. 連我百幾磅o既人都吹得郁, 

真係好難忘o既經歷~ 

2012年 .. 係Pee o既7歲, o係呢7年時間裡面, 

我地共同渡過好多喜怒衰樂, 

開心的 ... 傷心的 ... 一都齊經歷, 

亦係有Peeo既出現 .. Pee o既存在, 

至有後來的珮珮 .. 檬檬 .. Elmo & Ellie, 

亦有一個好驚狗o既人, 變得為你地而瘋癲!! 

但沒你地 .. 亦唔會有今日o既我, 

你地令我o既人生 .. 我o既生命變得更加精彩 及 豐盛~ 

網上情緣 .. 成日都有聽過~ 神交左一段時間, 

對呢個檬豬眼仔.. 特別情有獨中,  因為傾慕呢個男生, 

要我坐住成個鐘船去澳門當然問題啦~ 真係好想見佢一面 ^_^ 終於呢日可以見到真身 ..  雖然大家第一次見, 

係有d 怕羞 .. 不過你都比左個 kiss kiss 我, 

真係開心屎我喇 ^3~ 一日o既短短時間 .. 相聚真係唔多夠~~

今年唯一一次去旅行, 又係台灣 ??  係呀!! 

我好like 去台灣 XDD  台灣地方大, 

又多特色O既野 ..  次次去都有唔同O既感受, 

好enjoy 去旅行o既過程, 加上同唔同o既人去玩,

感受又更加唔同~ 

今次我就跟衫尾 ..  join 左 Cat & Vincent 去高雄懇丁~ 之前係去過一次 .. 但上次係冇落過水的,

 今次佢地提議去玩浮潛, 我雖然係唔識游水,

 但有佢地2個磅住我, 我終於都試玩左一次 .. 

雖然係..o係岸邊浮, 但有好多人睇住 .. 

我又唔會游太出 .. 我都會自己注意安全的, 

所以對我呢講, 真係一件好有成功感o既事~ 哈哈~~~

香港其實有好多好有特色o既地方, 

每次去過 .. 或未去過, 都總係覺得有你地同我一齊去, 

至會令我影o既相片會豐富好多 .. 會令張相片更加增添色彩, 雖然plan 左成年幾, 想去o既石板街, 

終於o係恬日放假o既時候, 帶左珮珮去 .. 

o係閒日唔多人.. 去, 就可以比我慢慢影個夠啦~

咁大個以呢 ... 第一次正正式式坐車遇上「撞車」, 

因為趕時間呢日坐小巴落荃灣, 點知去到" 天馬苑" 

附近時, 我正O係小巴上睇緊劇之制, 突然小巴收制殺車!! 

因為隔離線van仔 cut 線爬頭,
剛好.. 我坐O既小巴又開得快喎.. 所以殺唔切, 

撞左埋van仔個車尾度, 真係好彩自己坐開小巴,
車上有安全帶,  我一定會扣上... 所以撞埋去果下, 

我衹係塊面向前衝.. 成個咀.. 

咀左埋去前排坐位o既櫈背而己, 冇其他損傷>_<!!!  

所以第時坐車 .. 真係見有安全帶, 一定要扣囉~ 安全至上!!

巳經第四年參加 " 盲俠行 " 了, 

今次行o既路線係由旺角行至西貢, 今年路線算係易行, 

衹係天氣非常麻麻, 初段行到熱屎人, 真係好似夏天咁, 

行到彩虹一帶又係咁落雨。整個路程我行到.. 肩頭紅晒,

 因為揹囊同肩頭係咁磨擦, 腰又痛.. 菠蘿蓋又之前整親, 

再加上.. 腳板底行到.. 又起水泡, 不過依家堅持行畢全程, 要以身體力行去做善事, 又一年給自己一個讚!! 

給自己O既耐力一大挑戰成功!!

好少有 .. 珮珮對Pee 咁樣的, 最衰都係 Elmo 成日蝦Pee, Pee 又唔夠打 .. 唔知係咪Pee 年紀又開始大 .. 

d 老人皮氣開始發, 所以都有還拖的!!  

雖然最終係打輸左, 但換來老婆同亞囡o既安慰, 

都係值得打輸左o既~

年尾時候就係到 Peak to Fong o既活動, 

今年第二年參加, 亦係希望想出少少力, 

幫到有需要o既狗狗啦~ 今年 .. d 天氣真係非常差, 

全日又大霧又落雨, 但都依家冇損我地果團火 !!!
但就因為落雨關係, 我行行下o係落斜路時, 以7字馬.. 滑下, 右菠蘿蓋撞至地下.. 再向下滑,
少少擦損, 但回家睇 .. 原來腫左則邊 >_< 

不過最緊要珮珮 同相機都冇事, 小小意外唔緊要啦~
另外當日仲撞到 Blog 友 Annie, 

希望好快我地可以再見面, 一齊出呢玩~

一次奇妙o既探險遊, 雖然行錯左路, 但過程深深體會, 

身處一個唔適合狗狗行o既路, 我學會冷靜, 

學會投入 .. 既然都行錯左 .., 點解唔好好享受整過過程, 一個難得o既經歷可以同我o既最愛一齊, 我要更堅強, 

我要好好保護佢o既安全嘛~ 不過我又覺得好好玩, 

比我影到平時影唔到o既野 ^.~

呢個12月 .. 最令我感動 .. 因為年頭去飲撞返舊同學, 

撞巧其中一個今年X'mas 一家四口回香港過, 

相約埋我一齊相聚, 成廿年冇見 .. 大家依然樣貌冇變, 

回想起當日 .. 我鼻子又酸酸的, 真係真係好開心可以見返~ 幾個同學見返面, 話題都離唔開以前 .. 

大家一齊努力練習跳舞o既日子, 

因為我地大家都唔同班的, 但就一同經歷練習o既苦與樂~
希望我會有機會下次去澳洲探你啦 ^3^

換左新相機 .. 就會對鏡頭不滿 XD
但我又唔會亂花錢買鏡頭, 每買一次都花幾年去睇 .. 

同埋唔想人有我有, 出新款就買新款, 最緊要自己負擔得起, 同埋深思熟慮下, 最終買左支又平又係我想買左幾年o既 85mm , 依家就好好發揮我o既小宇宙 ..  好好練習, 

有更加好o既技術, 影得我o既 PE2 更加靚, 

我要影多d PE2 o既點點滴滴~

2012.12.21 冬至日 ... 世界末日 ??
我地一家都未屎得, 平平安安咁過左, 

餘下o既日.. 就好好享受, 依然過d .. 

簡簡單單無煩悶o既 2013年~~~ Yeah~