新科技尿片 (29.05.2012)

昨天收工落左荃灣.. 去左朋友的朋友公司取狗狗尿片,
成日都要買片片 ka la,  有咩咁特別要講呢?
咁當然呢隻牌子O既片片唔錯,  又抵.. 又吸水..

仲要好香士多啤李味, 當然吸引我去買啦!!

但搞笑在... 於... 回家搭 lift 時,
撞到住O係隔離屋O既男人同一部lift, 都唔問d 咩事...
我一個星期返工.. 梗有3-4次撞到佢湊亞仔返學 ( 幼稚園生),
咁收工回家又撞到都唔出奇...

奇就奇在.. 今日收工.. 又再撞到佢, 佢竟然o係 lift 度問我,
昨天.. 拎住果2包狗仔尿片係咩呢 ?
你都識講啦 ??  " 狗仔尿片" 咁咪就係.. 狗仔尿片囉 ....
我回佢 ... 係狗狗去厠所,

放O係地上比佢地痾尿尿上去O既取尿片,
咁就唔會整 dirty 個地下...
個男人... 竟然回我.. 「嘩~ 乜依家咁先進ka la ?

有d 咁新o既科技ka?」


我心諗 ... 你反野呀 !! 有幾新科技呀 ??
女人呢 M come 都要用M巾...

BB 細細個.. 未識去厠所, 都要用BB尿片...
老人家失禁, 都要用成人紙尿片啦.. 都係同一個道理啫 ....

你唔去同你老婆講M come 係新科技 ... BB 尿片又係新科技 ...

除非個尿片識自動變返新淨!!
識自動提狗狗到時到後去厠所就話啫 ... 真係.. 比個男吹帳