悠學團 @ 宜蘭 【三】(17.12.2011)

第三天 ..  今日我地決定唔食民宿早餐,

叫賴先生帶我地去試地道野, 就係呢碗 " 米粉焿 ",

味道有d 似碗仔翅, ok la .. 唔難食~
但好好笑 .. 就係我地坐車出發時, 民宿亞媽打比賴先生,
問我地點解有3個人冇去食早餐, 今早 .. 得大姐有去食,
竟然亞媽有留意有邊d人冇去食ka?
亞媽怕我地唔記得左食 .. 或者 miss 左個早餐時間,
真係好窩心 .. 好好人呀~ 

食飽早餐 .. 就去 " 羅東運動公園 " , 呢度真係超級大,
大到我地衹係停留o係1/4位置影下相, 欣賞附近風景而巳

差不多中午左右, 我地就轉去 " 國立傳統藝術中心 ",
台灣真係一個唔錯o既地方, 真係對寵物o既尊重遠超過香港,
好多呢類o既地方都好 welcome 去, 真係好羨慕,
如果我都可以帶PE2去就好喇>.<"

去到第三天 .. 天色依然麻麻 .. 真係影少好相呀 =.=' 

我地又玩 DIY, 今次玩整香皂, 將香皂整出圖案, 再串連起來 ..

4個都完成自己o既作品 ^.^=

呢度d 野食 .. 唔算貴, 大大碟,

每set 都係 NTD200左右 (約HKD50)

o係香港就好少影荷花, 見落住毛毛雨 .. 好似好有feel 貢,
就試下影 .. 但影極都唔掂, 唔係我想影o既相, 好樣衰囉 XD

@@" 2個國民黨員

哈哈~ 真係想像唔到我地4個人 ..
竟然可以o係 " 國立傳統藝術中心 " 可以玩到成5小時 XD
如果好天 .. 應該可以玩足一日囉 XDDD

玩到天都黑 .. 又係時間去Dinner,
今晚我地食 .. 大佢, 食豪d .. 去試地中海餐,

不過我還是覺得第一晚o既好味好多囉 ^.^=

今晚食完 .. 仲有好多時間, 我地回民宿後 ..
餅餅仲幫我地3個做面面, 同埋幫我做左全身香薰按摩,

真係爽到爆 hehe ^.^=