真係聽得明? @ Ellie (18.07.2011)

最近 ... 一個星期, Ellie 都會跟我上床瞓

點解 .. 偏偏係 Ellie 呢 ??

因為我瞓o既高架床, 所以佢地一定跳唔到上呢, 二來 .. 佢地平時係同婆婆瞓多, 見佢呢排好似好乖咁, 就準佢上呢陪下我瞓啦

就係 .. 因為習慣左o既關係, 依家每次我入房, Ellie一定快過我入先, 然後擺晒尾, 等我抱佢上去。 如事者 ..... 今晚又係咁 ..........

最好笑 .... 係明明佢排緊隊飲水, 我衹係入房拎野, 佢昅到我入房, 佢連排緊隊飲水 .. 都唔排, 飛跑入房.....

我同佢講 : Ellie 呀)) 我唔係瞓覺呀 ~ 我入房拎野咋 .. 你快d .. 飲左水水先啦

Ellie : 佢真係 .. 走左去飲水 ( 但飲左2 啖 )

我又同佢講 : Ellie 呀))  你飲咁少水, 一陣上左床, 冇得落返呢 ... 要聽朝至可以再飲水 ka, 你快d再飲多少少啦~

Ellie : 佢真係好似識聽咁, 真係行返去 .. 再飲水水, 點知 .. 佢又好似真係怕飲得少, 變左係咁飲水水....

我又再同佢講 : Ellie 呀)) 好喇 ~~  唔好再飲咁多喇, 一陣飲得太多, 你急尿尿 ... 冇得落床ka, 你要忍到聽朝至可以去ka ...

Ellie : 佢又真係明我講咩喎~  真係 .. 唔再飲 ....

然後....... 佢見我準備入房瞓覺, 佢即刻快過我, 然後企定床邊等我, 我問佢 .. 係咪要上床瞓覺喇? 佢 .. 即企起身, 好似扭我抱佢上去咁 ...

真係 .. 真係 .. 好似完完全全明白我講咩, 連婆婆一邊睇住, 都忍唔住笑呀   

小花麻婆