麻婆見我昨天玩得唔夠, 所以 join大細姨婆去行山,
今日天氣好好 .. 麻婆怕我早前摌完毛曬傷皮膚,
所以同我著左衫衫, 再加上細姨婆整比我o既帽帽,
貢就唔怕中暑啦 ^^
我同麻婆早上8:30o係屋企出發,
去到沙田廣源村都9:30,
拖拖拉拉 .. 我地差唔多9:50左右開始今日正式行山 lu~~~~
我同洛洛 .. 經花心坑村行入去 ..
有好清晰o既指示叫我地向梅子林方向行
初段上山 .. 當然有梯級啦 ^^
行泥路 ..好呀~~
我呢個o靚仔實在冇時停 ..
唔識留力 .. 洛洛就慢慢行 .. 我就邊跑邊跳 ^^
大伯洛都頂我唔順呀XD
中途小休 .. 飲啖水水先
我好乖 .. 邊行邊跑, 仲會回頭等埋婆婆,
麻婆話我擦鞋喎 ^^" 邊係喎 ~.~"
藍天白雲 .. 好正呀
眺望高處見到女婆山的元陽石,
d大人話似 " 蕉蕉 " 喎,
唔知想生仔, 上去摸下有冇用呢 ^^"
轉下眼, 我地就行到去梅子林,
呢度地下有好人整左d指示,
一條經茅坪去西貢, 一條去花心坑落黃泥頭村
o係呢度, 要去厠所 ..就好去喇 ^^
我地狗地唔屎去 .. 就o係度等大人啦
如果唔想o係廣源村作起步, o係富安都好方便呢 ^^
我又 ..o係度跑跑跑喇~~~
洛洛都唔執輸都跑跑
行到呢度茅坪都中午喇 ..
我地都要o係度休息同埋食d野 ....
有草地 .. 當然又要玩下波波啦
大伯洛, 你咪駛指意我會比波波你玩呀..
我實在 .. 唔留力 .. 玩到攰 .. 仲趴o係度瞓 >.<"
麻婆, 我好攰呀 ~~~~
大休完 .. 我地又要起步,
我地有2條可以行,
由大伯洛選左係北港, 而唔行昂平
咦~~有分叉路, 左邊果個冇指示o既 ??
時間嘗早試行下 .. 改唔行北港啦
行呢度 .. 有靚靚風景呀 ^^
下面就係白沙灣 .. 仲望到獅子會呀 ^^
過埋呢度 .. 我就地就行返入村, 就去左大水井村,
然後再坐的士返西貢市中心食下午茶 ^^
然後就回家喇。
今日我地行左4個多小時 ..大姨婆話大約有6-7公里,
但我就應該唔至囉 XDDDD
Elmo
沒有留言:
張貼留言