難得奐到我Day off o既星期六, 就相約左好朋友 (兼保母), 帶Pee & 珮珮晏就2點去行城門水塘, 近近地... 行完..回家都唔會太攰~
我地約左2點o係小冒站等, 然後上去城門水塘, 再準備好..就約2點半開始起步, 我地約行到5點半左啦 ..足足行左3個多小時,行左2/3 o既路程, 因我book左6點帶佢地去沖涼, 所以唔可以..行畢全程, 唯有留下次再行過啦~
以今日o既狀況, Pee因年紀巳過1歲, 精力巳大大減少, 行到攰 ..識扯繩唔行, 細個時 ... 就完全唔識攰咁~ 約3小時計, Pee自己行左2個小時左右~ 而珮珮因仲細, 我反而唔會比佢行得過多, 珮珮計算應該自己行左個半小時啦~
我地行o既當中..有段小插曲, 就係珮珮..行行下, 停低左..聞緊地下d野, 我以為佢想食啦, 就即刻喝停佢, 唔比佢亂食野, 然後我即張開佢個口, (new)開..用手撩下有冇d咩野, 點知珮珮用利去頂d牙, 就好似我地人咁, 好似d牙隙有野, 所以我就幫佢整啦..原來係衰妹有隻大牙就快甩, 所以我就整佢整甩左去
之後行完..就帶佢地去沖涼啦.. 然後我同保母就諗去睇場戲, 睇完再接佢地..時間就剛剛好, 點知去度戲院.. 一睇...所以7點至7點半o既戲, 淨返頭2/3行, 睇鬼咩
.. 咁唯有先過左對面間魚麵鋪食新鮮整o既魚肉麵, 跟住就入左廣場行下啦.. 但行完山 ..再咁係唔路喎 ..真係好攰, 要坐坐...
聰明o既保母諗左好方法, 就係行去OSIM ..度扮睇野 ..試機, 最終我地試左按腳 & 最新果款機, 全身按摩... 足足玩左成個鐘
... 當堂成個人 ....爽晒
沒有留言:
張貼留言